შინაგან საქმეთა მინისტრის მოადგილე არჩილ თალაკვაძე შსს-ს რეფორმირების პროექტს მნიშვნელოვანს უწოდებს.

მისი თქმით, პოლიციის გაყოფა სენსაცია არ არის და უკვე მომზადებულია გეგმა, თუ როგორ უნდა მოხდეს უწყების რეფორმირება ამ კუთხით.

„მოხდება საპოლიციო და უშიშროების ფუნქციების გამიჯვნა. ასევე, უფლებამოსილების ძალიან მკაფიო და დაბალანსებული გამიჯვნა და მართვა. მიმაჩნია, რომ ეს კიდევ უფრო გააძლიერებს იმ მექანიზმებს, რომელსაც ჩვენ ვუთმობთ დროს. პოლიციის გაყოფაში არაფერი სენსაციური არ არის. ეს ყველაფერი მოხდება ძალიან თანმიმდევრულად და დამაჯერებლად, რომ ეს მომავალში ქვეყანას, თუნდაც სამ-ოთხ წელიწადში უკან არ მოუბრუნდეს“, - განაცხად თალაკვაძემ.