"პარლამენტი აღმასრულებელ ხელისუფლებას ვერ აკონტროლებს"

"პარლამენტი აღმასრულებელ ხელისუფლებას ვერ აკონტროლებს" - არასამთავრობოების ანგარიში

პოლიტიკა - 11:40, 28 May, 2015

1051

15-ზე მეტმა არასამთავრობო ორგანიზაციამ ხელსუფლების და პარლამენტის საქმიანობის 2 წლის შემაჯამებელი ანგარიში მოამზადა. „საერთაშორისო გამჭვირვალობა საქართველოს“ აღმასრულებელი დირექტორი ეკა გიგაური აცხადებს, რომ 2012 წლის შემდეგ პარლამენტი უფრო მრავალფეროვანი გახდა მაგრამ ამ კუთხით კვლავ რჩება პრობლემები. გიგაურის თქმით, ერთ-ერთი პრობლემა არის ის, რომ პარლამენტი სხვადასხვა საკითხის განხილვის დროს, გადადის ურთიერთბრალდებებზე და მოსახლეობა ვერ იღებს შესაბამის ინფორმაციას. ეკა გიგაური ასევე აცხადებს, რომ პარლამენტის როლი, იყოს აღმასრულებელი ხელისუფლბის მაკონტროლებელი არის სუსტი, ხოლო აღმასრულებელი ხელსიუფლების საქმიანობაში ფორმალური მმართველობის ნიშნები შეინიშნება.

„ყველაზე მნიშვნელოვანი გამოწვევა, რის წინაშეც დგას პარლამენტი არის ის, რომ ისინი ფაქტიურად ვერ აკონროლებენ აღმასრულებელ ხელისუფლებას და ამ ნაწილში პარლამენტი არის ძალიან სუსტი. ვფიქრობთ, რომ გამოწვევის წინაშე დგას აღმასრულებელი ხელისუფლება, როდესაც საუბარია არაფორმალურ მმართველობაზე. ეს არის ყველაზე მნიშვნელოვანი გამოწვევა და რა თქმა უნდა იგი გავლენას ახდენ დემოკრატიული ინსტიტუტების ფუნქციონირებაზე. კიდევ ერთი მნიშნელოვანი საკითხი, რაც არის კავშირში აღმასრულებელ ხელისუფლებასთან, ეს არის ნაკლები კოორდინაცია ერთმანეთს შორის,“-განაცხადა ეკა გიგაურმა.

კველევაში დადებითად არის შეფასებული იუსტიციის და სასჯელაღსრულების სამნისტროებში მიმდინარე რეფორმები, მაგრამ ასევე ნათქვამია, რომ მიუხედავად რეფორმისა, პენიტენციალურ სისტემაში კვლავ რჩება პრობლემები.

ანაგარიშში ნათქვამია, რომ დადებითი ცვლილებები შეინიშნება ბიზნესის კუთხით, მაგრამ ასევე არსებობს პრობლემები. ანგარიშშის მიხედვით, პრობლემურია კანონი, რომელიც პარლამენტმა ვიზებთან დაკავშირებით მიიღო და ამ რეფორმამ ბიზნესის განვითარება შეაფერხა.

არასამთავრობო ორგანიზაციები აცხადებენ, რომ მედია ბოლო ორი წლის განმავლობაში უფრო მეტად თავისუფალი გახდა. არასამტავრობოები ხელისუფლებას აძლევენ რეკომენდაციას, რომ სხვადასხვა საკითხების განხილვისას, უფრო მეტდ გაიზარდოს მედიის ჩართულობა.