“ნაწილი დეპუტატებისა იქნება პირდაპირ ნაყიდი ბიძინა ივანიშვილის მიერ“

“ნაწილი დეპუტატებისა იქნება პირდაპირ ნაყიდი ბიძინა ივანიშვილის მიერ“ - ნათელაშვილი

პოლიტიკა - 18:36, 27 May, 2015

1480

ივანიშვილს ენანება ფული ჩვენი ეკონომიკისთვის, ჩვენი შვილებისთვის, მათხოვრებისთვის, გაჭირვებულებისათვის და ავადმყოფებისთვის თორემ, მოსასყიდად ინტელიგენციის, მსახიობების, სპორტსმენების და მოღალატე დეპუტატებისთვის ფული ყოველთვის აქვს ეს განცხადება, ლეიბორისტული პარტიის ლიდერმა, შალვა ნათელაშვილმა, „გურიის მოამბეს“ ვებ გვერდის გადაცემა „ექსკლუზივში“ საუბრისას გააკეთა.
„მე ობიექტურად ავღნიშნავ, არ ველოდი თუ „ნაციონალური მოძრაობა“, ასეთი საშინელი მარცხის შემდეგ, სამი წელი თავს შეინახავდა. შესაბამისად სამი წელი მათ გაუძლეს დაშლის საფრთხეს. მე ცოტა შემშურდა კიდეც, იმიტომ, რომ -ახლა მტერიც, ოპონენტიც კი უნდა შეაფასო ობიექტურად-როგორც კი „ლეიბორისტულ“ პარტიას გაუჭირდებოდა, კრიტიკულ მომენტში, იმწუთასცე ჩვენთან, მოღალატეების „ცხრათავიანი გველეშაპი“ ამოიზრდებოდა ხოლმე.

მინდა ვიყო თვითკრიტიკული და გეტყვით „ნაციონალური“ პარტიის უპირატესობას ჩვენთან შედარებით. 2003 წელს, პარტია ვიყავით „ყალყზე შემდგარი“, დენის ტარიფი დავწიეთ, რეგიონებში 7 თეთრი იყო, თბილისში 11 თეთრი, საშუალო სკოლებში უფასო განათლება შევიტანეთ. ბაღები გადავარჩინეთ და რეიტინგი ავარდა 70%-ს ზევით. უპრობლემოდ მოვდიოდით ხელისუფლებაში, ერთადერთი გზა დარჩათ სააკაშვილსა და მის უცხოელ მოკავშირეებს, „ფერადი რევოლუციის“ გზით ხელისუფლებაში მოსასვლელად და ქი მოვიდნენ ხელისუფლებაში. ისევ შიგნიდან გატყდა ჩვენთან კარი და ამოიზარდა ბეგაშვილების ავბედითი სახე, ისევ ის ხალხი, რომლებიც ყველაზე მეტად სარგებლობდა პარტიის საშუალებით და ჩვენი ამომრჩევლების ხმებით. 2012 წელს, მართლაც არ გაყალბებულა არჩევნები, ჩვენმა ამომრჩეველმა იფიქრა, რომ ბიძინა ივანიშვილი უკეთესად მიხედავდა ქვეყანას და იმავე ღამეს, სოსო შატბერაშვილის ჯგუფი დაიძრა მთელი სიმძლავრით, უამრავი სიბინძურის ტანხლებით, ვისგანაც არ მოველოდი, სწორედ იმათმა ჩამცეს კრიტიკულ დროს ლახვარი. მიშას ეს პროცესები ასცდა, მიშას პარტიამ სამი წელი თავი შეინარჩუნა, მაგრამ ყველაფერს აქვს ტავისი ვადა. რა თქმა უნდა პარტიას, რომელსაც ამდენი ბიოგრაფიული ფურცლები აქვს, ამდენი ცოდვა აქვს ჩადენილი ქვეყნის წინაშე, კონკრეტული ადამიანების წინაშე, საშინაო და საგარეო პოლიტიკაში, პარტიამ, რომლის მმართველობის დროსაც ფაქტიურად ჩვენი ტერიტორიების 20% დავკარგეთ, მოკლედ „ნაციონალებში“ მიმდინარე პროცესებზე რომ დავასრულო-ნაწილი ჯგუფებისა და პიროვნებების იქნება პირდაპირ ნაყიდი ბიძინა ივანიშვილის მიერ. ივანიშვილს ენანება ფული ჩვენი ეკონომიკისთვის, ჩვენი შვილებისთვის, მათხოვრებისთვის, გაჭირვებულებისათვის და ავადმყოფებისთვის თორემ, მოსასყიდად ინტელიგენციის, მსახიობების, სპორტსმენების და მოღალატე დეპუტატებისთვის ფული ყოველთვის აქვს. ივანიშვილი აუცილებლად მოისყიდის დეპუტატებს ოპოზიციიდან და ეს პროცესი კაი ხანია დაწყებულია, მას დაეშალა უმრავლესობა. მას შემდეგ რაც ალასანიამ დატოვა კოალიცია ივანიშვილს აღარ ყოფნიდა ხმები და პირდაპირ იყიდა „ნაციონალების“ მაჟორიტარები ამბროლაურის დეპუტატის თამადობით, რომელიც არის უზარმაზარი წილების მფლობელი ნავთობბიზნესში“- განაცხადა ნათელაშვილმა.