"ვინმე ჭკუათმყოფელმა უთხრას იმ შტერს, კუნთებზე ნუ იყურება იმიტომ, რომ არ აქვს"- ბაჩო ახალაია

პოლიტიკა - 16:58, 27 May, 2015

3671

პატიმრობაში მყოფი თავდაცვის ყოფილი მინისტრის, ბაჩო ახალაიას განცხადებით, საქართველო ესკალაციისკენ მიდის, ამიტომ მთელი ძალისხმევა ამ დაძაბულობის დეესკალაციისკენ მიიმართოს.

„ახლა უნდა გავერთიანდეთ ერი იდეის გარშემო, რომ ამ უბედურებიდან, სადაც ვიმყოფებით, გამოვიდეთ. ეს უნდა გააკეთოს ხელისუფლებამ. მშვიდობიანი განვითარების უფლება უნდა მიეცეს ერს, რათა გავიდეს თავისუფლების ფონს.

ყველა, ვინც განდევნილია, მათ შორის სააკაშვილი, ასევე და სხვები, უნდა მიეცეთ ქვეყანაში დაბრუნების უფლება. ყველა პირი, ვინც პოლიტიკურ პატიმრობაშია, უნდა გათავისუფლდეს.

განდევნილ სამხედროებს კი უნდა მიეცეთ სამშობლოში დაბრუნების საშუალება. ეს ყველაფერი მომავლისთვის გარდაუვალია. თუ მას ვერ მიხვდებიან და ბოღმა დააბნელებთ, ცუდ შედეგს მივიღებთ“- განაცხადა ბაჩო ახალაიამ.

ბაჩო ახალაიას თქმით, საზოგადოების პოლარიზებას ბიძინა ივანიშვილის მმართველობის სტილი უწყობს ხელს.

„ჩვენ არ ვართ პოდიუმზე, ვის ვინ მოსწონს და არ უნდა გვაინტერესებდეს ეს. საზოგადეობის ასეთი პოლარიზება არის ჩიხი, რომლის ბოლოც არის აფეთქება, რაც უნდა.
მმართველობის ისეთი ფორმები, რომლებიც ახლა გვაქვს, კაცობრიობის ისტორიაში არ მოიძებნება. ის, რომ არის - ბიძინა, იმის ტვინში ვერ შედის და იქნებ ვინმე ჭკუათმყოფელი მიხვდეს და უთხრას იმ შტერს, კუნთებზე ნუ იყურება იმიტომ, რომ არ აქვს“, - განაცხადა ბაჩო ახალაიამ.