პარლამენტის პლენარულ სხდომაზე უმცირესობის და უმრავლესობის წევრებს შორის სიტყვიერი დაპირისპირება მოხდა.

“დამოუკიდებელი მაჟორიტარები-ძლიერი რეგიონებისთვის” თავმჯდომარის მოადგილის გურამ მისაბიშვილმა „ნაციონალური მოძრაობის“ ანტიკორუფციული საბჭოს მუშაობას სპექტაკლი უწოდა.

“ე.წ. ანტიკორუფციულმა საბჭომ ამას წინათ მორიგი სპექტაკლი დადგა სენაკის მუნიციპალიტეტში. ჩვენ ყველანი ერთმანეთის მეგობრები, ნათესავები, ნათელ-მირონი და მეზობლები ვართ. ამ პრინციპებით თუ განვსაზღვრავთ, ნებისმიერ დასაქმებულ ადამიანთან შეიძლება დააკავშიროთ ჩემი სიახლოვე და მას შემდეგომ კი უბრალოდ ნეპოტიზმი დაარქვათ“, - განაცხადა მისაბიშვილმა.

მის განცხადებას “ნაციონალური მოძრაობის“ დეპუტატმა ეკა ხერხეულიძემ უპასუხა.

“ბატონმა გურამი საკუთარ ბიოგრაფიას ზეპირად ვერ ამბობს, სხვათა შორის, კითხვით ჩააბარა მოსახლეობას და ხაზი გაუსვა, რომ ის გახლავთ უმწიკვლო. და სწორედ ამ ადამიანსშესწევს უნარი საზოგადოებას შეხედოს თვალებში და ელაპარაკოს როგორც პატიოსანი კაცი. ბატონო გურამ, თქვენ ჩვენი წინა ხელისუფლების დიდი სირცხვილი გახდით”, - მიმართა ხერხეულიძემ მისაბიშვილს.