საგარეო საქმეთა მინისტრმა, თამარ ბერუჩაშვილმა განაცხადა, რომ რუსეთ-საქართველოს შორის დიალოგი ისევ აბაშიძე-კარასინის ფორმატით გაგრძელდება. ბერუჩაშვილის თქმით, სააგერეო საქმეთა სამინისტრო ისევ ჩართულია აბაშიძე-კარასინის შეხვედრების ორგანიზებაში და მოლაპარაკების პროცესში.

„საგარეო საქმეთა სამინისტრო ისედაც ჩართულია ბატონ ზურაბთან ერთად მოსამზადებელ სამუშაოებში და მოლაპარაკებებში. თუ რამე ახალი კომპონენტი განიხილება, ჩვენ ამას კოორდინირებულად წარვმართავთ. დაგეგმილი მაქვს ბატონ ზურაბთან შეხვედრა და ისევე როგოროც ყოველთვის მოვამზადებთ შემდგომი დიალოგის ფორმატს.

მოსამზადებელ ეტაპზე ჩართულია ძალიან ბევრი. განხილვის თემა არ არის ის, თუ როგორი იქნება მოლაპარაკებების ახალი ფორმატი. დიალოგს ისევ ზურაბ აბაშიძე და გრიგორი კარასინი გააგრძელებენ. საექსპერტო ჩართულობა ახალი არ არის, შეგახსენებთ, რომ საქართველოს საექსპერტო დონეზე ისედაც ჰქონდა დიალოგი რუსეთთან აბაშიძე-კარასინის დიალოგის პარალელურად“,-განაცხადა თამარ ბერუჩაშვილმა.