„ნაციონალური მოძრაობის“ ერთ-ერთ ლიდერს, გივი თარგამაძეს ყოფილი თანაგუნდელების მიერ გამოქვეყნებული განცხადებით პოლიტიკური უმწიფრობის და უპასუხსიმგებლობის განცდა რჩება.

ამის შესახებ თარგამაძემ ჟურნალისტებთან საუბრისას განაცხადა.

მისი თქმით, განცხადებამ უფრო მეტი კითხვა გააჩინა.

"განცხადებამ უფრო მეტი კითხვა დატოვა, ვიდრე პასუხი იყო. მათ განცხადებაში დასახელებული პრობლემა გაუგებარია. მრჩება განცდა, რომ ეს არის პოლიტიკური უმწიფრობის, უპასუხისმგებლობის და მოუმზადებლობის განცდა. ასევე განცდა იმისა, რომ ეს არ არის პოლიტიკური ლიდერების განცხადება. თუკი აღმასრულებელ მდივანს განსხვავებული პოზიცია ჰქონდა, უნდა დამდგარიყო პარტიის წინაშე“, - განაცხადა თარგამაძემ.