ფინანსთა მინისტრის, ნოდარ ხადურის თქმით, საქართველოში დასაქმება გაზრდილია.

ამ განცხადებით ხადური, საქსტატის მიერ გამოქვეყნებულ განცხადებას გამოეხმურა, სადაც ნათქვამია, რომ უმუშევრობის დონე 12,4%-ით შემცირდა.

„ჩვენ არაერთხელ ვსაუბრობდით და მაჩვენებლები პირუთვნელად ადასტურებენ იმას, რომ საქართველოში დასაქმება გაზრდილია. იმ 12.4%-ის პრობლემები, ვისაც არ აქვს სამსახური და ყველა პრობლემა ნაბიჯ-ნაბიჯ გადაიჭრება“, - განაცხადა ხადურმა.

2014 წელს საქართველოში უმუშევრობის დონე 2013 წელთან შედარებით 2.2 პროცენტული პუნქტით შემცირდა და 12.4 პროცენტი შეადგინა. ინფორმაციას საქსტატი ავრცელებს.

მათი ინფორმაციით, 2014 წელს უმუშევრობის დონემ ბოლო 11 წლის მანძილზე ყველაზე დაბალ ნიშნულს მიაღწია.