„ნაციონალური მოძრაობის“ წევრის ირმა ნადირაშვილის თქმით, პრემიერს ტყუილად აქვს იმედი, რომ ოპოზიციურ პარტიაში მიმდინარე მოვლენების გამო პასუხისმგებლობას გაექცევა.

ამის შესახებ ნადირაშვილმა ჟურნალისტებთან საუბრისას განაცხადა.

„კაცი, რომლის მმართველობის დროსაც ქვეყანა გაღარიბდა, ეკონომიკა ჩამოიშალა დღეს გაბრწყინებული სახით აკეთებს განცხადებებს, ოპოზიციურ პარტიაში მიმდინარე მოვლენებზე. მას ტყუილად აქვს იმედი, რომ ქვეყნის დაქცევის გამო პასუხისმგებლობას გაექცევა, ვფიქრობ, რომ გაბრწყინებული და მოჭიმული სახე ახლა ადეკვატური არ არის“, - განაცხადა ნადირაშვილმა.

პრემიერ-მინისტრი დღეს „ნაციონალურ მოძრაობაში“ მიმდინარე მოვლენებს გამოეხმაურა.

ირაკლი ღარიბაშვილის თქმი, პარტია შიგნიდან კიდევ სამ ჯგუფად იშლება. რა ჯგუფებზეა საუბარი, პრემიერი არ აკონკრეტებს.