„ქრონიკა+“-ის მთავარი რედაქტორი ელისო კილაძე არ გამორიცხავს, რომ „ნაციონალურ მოძრაობაში“ განვითარებული მოვლენების უკან ექსპრემიერი ვანო მერაბიშვილი იდგეს.

ამის შესახებ კილაძემ გადაცემა „არჩევანში“ საუბრისას განაცხადა.

„მაქვს დაზუსტებული ინფორმაცია, რომ კახა ოქრიაშვილი რომელიც მერაბიშვილთან იყო დაახლოებული და ცეზარ ჩოჩელი აპირებენ შექმნან პოლიტიკური პარტია. მე მაქვს ფოტო, რომელიც სოციალური ქსელით გავავრცელე სადაც არიან კახა ოქრიაშვილი „ოცნებაში“ პორტირებულ თემურ ფეიქრიშვილთან ერთად. შეგახსენებთ ეს ადამიანი კუდ-ის ყოფიი უფროსის ვაჟა ლელუაშვილის ნდობით აღჭურვილი პირია. ფოტოზეა ასევე ლექსო თამაზაშვილი. ფოტო წყალტუბოშია გადაღებული.ამ პარტიასთან, რომელიც ახლა იქმნება და დაკავშირებულია ვანო მერაბიშვილის სახელთან, არ გამოვრიცხავ, რომ „ნაციონალური მოძრაობიდან“ წამოსული პირები მათ შეურთდნენ. არ გამოვრიცხავ ყველაფრის უკან ვანო მერაბიშვილი იდგეს და მან დამოუკიდებელი პოლიტიკური თამაში დაიწყო", - განაცხადა კილაძემ.