უკრაინის იუსტიციის სამინისტროს სარეგისტრაციო დეპარტამენტის ხელმძღვანელის ჯაბა ებანოიძის თანამდებობიდან წასვლა ყოფილი „ნაციონალების“ უკრაინაში ვიზიტს უკავშირდება.

ეს განცხადება გადაცემა „არჩევანში“ გაზეთ „ქრონიკა +“-ის მთავარმა რედაქტორმა ელისო კილაძემ გააკეთა.

„ეს ადამიანები ნამდვილად შეხვდნენ მამუკა კუდავას, მაგრამ ეს არ იყო უკრაინაში ვიზიტის ერთადერთი მიზანი. გეტყვით, რომ სწორედ მათ ვიზიტს უკავშირდება ჯაბა ებანოიძის თანამდებობიდან გადაყენება. ისინი იქ იყვნენ ყოფილი ხელისუფლების მაღალჩინოსნებთან სალაპარაკოდ. რაც შეეხება გაგრძელებას, ეს გახლავთ ლატვიაში, იქ ასევე იმყოფებოდა კუბლაშვილი გიორგი მელაძესთან ერთად. ჩემი ინფორმაციით, იქ გახსნილია ანგარიში და ჯოზეფ ქეის მეშვეობით მისთვის თანხაა გადარიცხული. გამომდინარე იქიდან, რომ ქეი გარიგებულია ხელისუფლებასთან, ცხადია ეს არ იყო ჯოზეფ ქეის პირადი ინიციატივა, ეს იყო დავალება. ის, რომ ხელისულფების გარკვეული ფრთა „ნაციონალების“ გარკვეულ წარმომადგენლებთან სხვადასხვა ტიპის ბიზნესგარიგებებში არიან, ეს ახალი არ არის. ამიტომ ამ ადამიანების გადაწყვეტილება მოულოდნელი არ იყო. ვიცოდი რომ გარკვეული მოლაპარაკევა მიმდინარეობდა. რაც შეეხება თანხას, იყო სოლიდური თანხა. მილიონზე მაინც არის საუბარი. კუბლაშვილს მიცემული აქვს პირობა, რომ იქნება ფრაქცია და არ იქნება მხოლოდ ოთხი წევრი. რამდენად შესრულდება ეს არ ვიცი“, - განაცხადა კილაძემ.