საზოგადოებრივი მოძრაობა „ივერია“ 2016 წლის საპარლამენტო არჩევნებში მონაწილეობის მიღებას გეგმავს.

ამის შესახებ გადაცემა „არჩევანში“ გრიგოლ ვაშაძემ განაცხადა.

„ვემზადებით საპარლამენტო არჩევნებისთვის. იქმნება პოლიტიკური სტრუქტურა, ვესაუბრებით ჩვენ თანამოაზრეებს რეგიონებში. საზოგადოება ივერია, ყველა დანარჩენისგან განსხვავებით, ჰორიზონტალურად ვითარდება და განსხვავდება ყველასგან იმიტომ, რომ ჩვენ არავის ლიდერს არ ვუნიშნავთ. ჩვენთან ერთიანდებიან სხვადასხვა პროფესიის ადამიანები. შემოდგომაზე ჩამოყალიბდება სტრუქტურა და უკვე გადავალთ უფრო აქტიურ ფაზაზე", - აცხადებს გრიგოლ ვაშაძე.

რაც შეეხება კითხვას, თუ ვისთან ითანამშრომლებს ახალი პარტია, ვაშაძის თქმით, ეს მოგვიანებით გახდება ცნობილი.