პარლამენტის თავმჯდომარემ, საქართველოს დამოუკიდებლობის დღისადმი მიძღვნილ ღონისძიებებში მიიღო მონაწილეობა. დავით უსუფაშვილი თავისუფლების მოედანზე წვევამდელთა ფიცის დადების ცერემონიას დაესწრო.

ცერემონიის დასრულების შემდგომ, პარლამენტის თავმჯდომრემ რუსთაველის გამზირზე სამინისტროების მიერ გამოფენილი საინფორმაციო და გასართობი პავილიონები დაათვალიერა.

,,26 მაისი ყველაზე მნიშვნელოვანი დღეა ჩვენი ქვეყნისთვის და თითოეული ჩვენგანისთვის. თავისუფლებას გილოცავთ, დამოუკიდებლობას გილოცავთ და ყველაფერ იმას, რაც ამ სიტყვებს უკავშირდება. თავისუფალ საქართველოში, თავისუფალ მოქალაქეებში, თავისუფალ ადამიანებში დაიბადება ყველა ის სიკეთე, ის ბედნიერება, რომელსაც ჩვენი ერი და თითოეული ჩვენი მოქალაქე იმსახურებს. იმას, რომ ეს დღე რეალობად ქცეულიყო თაობები შეეწირა. ბევრმა თაობამ ისე დალია სიცოცხლე, რომ ვერ მოესწრო საქართველოს დამოუკიდებლობას და თავისუფლებას, ამიტომ ჩვენ უნდა შევძლოთ ამისი დაფასება, დაფასება იმისა, რაც გვაქვს, უნდა შევძლოთ გაფრთხილიება იმისა, რაც გვაქვს, უნდა შევძლოთ დაბრუნება იმისა, რაც დავკარგეთ და ყველანი ვიყოთ ბედნიერი. ამას ჩვენ ვიმსხურებთ და ეს ასე იქნება. კიდევ ერთხელ გილოცავთ ყველას“ - მიმართა დავით უსუფაშვილმა მოქალაქეებს.