ექსპერტ ხათუნა ლაგაზიძის ვარაუდით, შესაძლოა „ნაციონალური მოძრაობის“ ყოფილ წევრებს გადაწყვეტილი ჰქონდეთ პროდასავლური კოალიციის შექმნა სხვა პარტიის წარმომადგენლებთან ერთად, რომლისთვისაც „ნაციონალებთან“ ურთიერთობა პრობლემას წარმოადგენდა.

ამის შესახებ ლაგაზიძემ ჟურნალისტებთან საუბრისას განაცხადა.

"ნაციონალური მოძრაობის“ ადგილზე შეიძლება ვიხილოთ სხვადასხვა პოლიტიკური წარმონაქმნები, სხვადასხვა პოლიტიკური პარტიები ან მოძრაობები, რადგან მათ უფრო თავისუფლად შეძლონ სამომავლო პროდასავლურ კოალიციაში გაერთიანება. იმიტომ, რომ "ნაციონალური მოძრაობის" კლიშე იგივე “თავისუფალ დემოკრატებს”, გნებავთ “რესპუბლიკელებს” გარკვეულ ბარიერად შეიძლება ექცეთ მომავალ პარლამენტში ერთიანი პროდასავლური კოალიციის ჩამოყალიბების კუთხით”, - აცხადებს ხათუნა ლაგაზიძე.