უმრავლესობის წევრი გია ვოლსკი არ გამორიცხავს, რომ „ნაციონალური მოძრაობის“ ყოფილი წევრები „თავისუფალ დემოკრატებთან“ გაწევრიანდნენ.

ამის შესახებ ვოლსკიმ ჟურნალისტებთან საუბრისას განცხადა. თავად ყოფილ „ნაციონალებთან“ თანამშრომლობას გამორიცხავს.

"რაც შეეხება კითხვას, გამოვრიცხავ თუ არა ყოფილი „ნაციონალების“ „თავისუფალ დემოკრატებთან“ გაერთანებას, არაფერს არ გამოვრიცხავ, თუმცა ამ ეტაპზე მსგავსი ინფორმაცია არ არსებობს. "ნაციონალური მოძრაობის" თემა ჩემთვის სხვა კატეგორიით ფასდება და არა იმით, რამდენმა კაცმა და ვინ დატოვა ეს მოძრაობა. ვფიქრობ, ცოტა მეტი გვეცოდინება ხვალ, განცხადების გაკეთების შემდეგ“, - განაცხადა ვოლსკიმ.

შეგახსენებთ, გუშინ „ნაციონალური მოძრაობა“ ზურაბ ჯაფარიძემ, გოგა ხაჩიძემ, პავლე კუბლაშვილმა და გიორგი მელაძემ დატოვეს.