"ნაცმოძრაობიდან" წასული ოთხეული, ჯოზეფ ქეი და დიდი ფული - რა სკანდალურ ფაქტებზე საუბრობს კილაძე

სოც.მედია - 13:58, 26 May, 2015

6025

"ქრონიკა+"-ის მთავარი რედაქტორი, ელისო კილაძე სოციალურ ქსელში „ნაციონალური მოძრაობიდან“ ოთხი წევრის წასვლას ეხმაურება და აცხადებს, რომ მათ მიერ პარტიის დატოვების ერთ-ერთი მიზეზი სოლიდური თანხა გახდა, ელისო კილაძე ამ პროცესებში ჯოზეფ ქეის მონაწილეობაზეც საუბრობს.

„სტატუსი მათთვის ვისაც "ნაციონალური მოძრაობიდან" წასული ოთხეული ფრთებიანი ანგელოზები გონია:
მთავარი მოქმედი პირი ამ საქმეში არის პავლე კუბლაშვილი. ლატვიაში ჯოზეფ ქეის მიერ გახსნილ ანგარიშზე ჩარიცხულია სოლიდური რაოდენობის თანხა. პირველად სწორედ მან შესთავაზა საკუთარი თავი "ოცნებას" ლაშა თორდიას მეშვეობით.
სხვა დეტალები დღეს"არჩევანში"
p.s.ზეწოლა არა ქვეწოლა
ფული, მეგობრებო, ფული...

9 წელი სააკაშვილის ხელისუფლების ნაწილი რომ ხარ, შენს ტყავის გამოცვლას აღარ დავიჯერებ.

ჯოზეფ ქეის გამოყენება კი პოლიტიკური პროსტიტუციის ყველაზე მაღალი კლასია !!!

ვანო მერაბიშვილისა და ჯოზეფ ქეის საუბრის შინაარსი იმედია გახსოვთ“- წერს ელისო კილაძე სოციალურ ქსელში.

ამასთანავე ჟურნალისტმა "რუსთავი 2"-თან ინტერვიუში სამომავლოდ ოთხეულისგან ფრაქციის შექმნაზე და ოქრიაშვილისა და ჩოჩელის ხელმძვანელობით პარტიის ჩამოყალიბებაზე ისაუბრა

"არც იმას გამოვრიცხავ, რომ ვანო მერაბიშვილმა დამოუკიდებელი პოლიტიკური თამაში წამოიწყო და უკვე ფრაქცია, რომელიც პარლამენტში შეიქმნება, საბოლოო ჯამში აღმოჩნდება სწორედ იმ პარტიაში, რომელსაც კახა ოქრიაშვილი ქმნის," - განაცხადა ელისო კილაძემ.