„ამ ამბის გამო ადამიანის ციხეში ლპობა, არის სრულიად გაუგებარი ამბავი“

„ამ ამბის გამო ადამიანის ციხეში ლპობა, არის სრულიად გაუგებარი ამბავი“ - გიორგი კეკელიძე

სოც.მედია - 13:48, 26 May, 2015

2418

„აუცილებლად გადასახედია ის მუხლები, რომლებიც ამგვარ მკაცრ სასჯელს ითვალისწინებს “ - წერს გიორგი კეკელიძე სოციალურ ქსელში და აქციას „არ დაიჭირო“ შემდეგი პოსტით ეხმაურება.

გიორგი კეკელიძე: „ამ რამდენიმე თვის წინ, ერთ-ერთ მთიან სოფელში რაღაც წიგნები ჩავიტანეთ და იქაური ბიჭი დაგვეხმარა თავისი მანქანით რთულ ადგილებში გადაზიდვაში. რა წიგნიც მივიტანეთ, ყველას შინაარსი იცოდა და კონკრეტული საქმის სპეციალისტიც იყო, მაგრამ ცოტა ხანი მარიხუანას მოხმარებისთვის იჯდა და სამსახურს ვეღარ შოულობდა. ჩემი თანამშრომლები იცნობენ იმ ბიჭს და დღემდე ვუგზავნით ხოლმე წიგნებს მისი სოფლისთვის.
ეს ერთი და როცა ციხეში ვასწავლიდი, ბევრი პატიოსანი კაცი მინახავს უფრო მარავალწელ მისჯილი. მოკლედ, იმის თქმა მინდა, რომ მე, კაცს, რომელსაც ფილტვებში კვამლი არ მაქვს ჩანაშვები არასდროს, სიგარეტისაც კი, შესაბამისი ალერგიის და ა.შ. გამო.
ძალიან მტკიცედ მჯერა - ამ ამბის გამო ადამიანის ციხეში ლპობა, არის სრულიად გაუგებარი ამბავი და აზარალებს არა მხოლოდ იმ ადამიანს, არამედ ზოგადად სასჯელაღსრულებითი სისტემის იდეასაც, რომელსაც ამ შემთხვევაში ,,გამოსწორების'' მაგივრად, სულ სხვა გზით მიყავს დამნაშავედ ცნობილი. აუცილებლად გადასახედია ის მუხლები, რომლებიც ამგვარ მკაცრ სასჯელს ითვალისწინებს. ჩათვალეთ ეს სტატუსი ტექსტურ სურათად აქციისთვის ,,არ დაიჭირო''.

2 ივნისს საქართველოს მთავრობის კანცელარიის წინ აქცია ჩატარდება ლოზუნგებით "შეწყდეს ადამიანების ციხეში ჩასმა მარიხუანას მოხმარების გამო! შეწყდეს იძულებითი ნარკოტესტირება!"მანამდე კი სოციალურ ქსელში ვრცელდება ცნობილი სახეების მიერ გადაღებული ფოტოები წარწერით „არ დაიჭირო“ .