ოთხივე წასული დეპუტატი ივანიშვილის ინტერესს მოემსახურა- ნუგზარ წიკლაური

პოლიტიკა - 21:02, 25 May, 2015

9471

ოთხი წევრის მიერ "ერთიანი ნაციონალური მოძრაობის" დატოვებას ,ამავე პარტიის წევრი ნუგზარ წიკლაური სოციალურ ქსელში გამოეხმაურა და ზურაბ ჯაფარიძის, პავლე კუბლაშვილის,გოგა ხაჩიძის და გიორგი მელაძის საქციელს უპასუხისმგებლო უწოდა. დეპუტატის თქმით, ენმ-ს ოთხიო ყოფილი წევრი თავისი ქმედებით ივანიშვილის ინტერესს მოემსახურა.
"ემოციურად არ არის ადვილი ჩვენი ყოფილი თანამებრძოლების მოულოდნელი და უპასუხისმგებლო გადაწყვეტილების შეფასება.
უბრალოდ, წესიერება მოითხოვდა, რომ ღიად და პატიოსნად ეთქვათ უკმაყოფილების მიზეზების შესახებ და საკუთარ პარტიაში პარტიზანული მოძრაობა არ წამოეწყოთ.
როგორც ჩანს, ელემენტარულ ეთიკაზეც განსხვავებული წარმოდგენები გვქონია.
მთავარი სათქმელი ის არის, რომ ეს ხალხი ბრძოლიდან გავიდა.
არ ვიკადრებ იმაზე სპეკულაციას, რამდენად მონაწილეობდა ამ გადაწყვეტილების მიღებაში ხელისუფლება, თუმცა ერთი რამ სავსებით ნათელია: ოთხივე წასული დეპუტატი მოემსახურა ივანიშვილის ინტერესს.
ეს ადამიანურად არის ძალიან სამწუხარო, თორემ პოლიტიკური თვალსაზრისით დრამატული არ არის.
ბრძოლა გაგრძელდება და ამ ბრძოლაში აუცილებლად გავიმარჯვებთ ბრძოლიდან გაქცეულების გარეშეც."- წერს ნუგზარ წიკლაური
შეგახსენებთ "ნაციონალური მოძრაობა" მისმა 4 წევრმა ზურაბ ჯაფარიძემ, გოგა ხაჩიძემ, პავლე კუბლაშვილმა და გიორგი მელაძემ დატოვა.