ხელნაწერთა ცენტრის საქმიანობაზე აუდიტის დასკვნა შესაბამის ორგანოებში უკვე გადაგზავნილია.

ამის შესახებ ჟურნალისტებთან საუბრისას განათლების მინისტრმა თამარ სანიკიძემ განაცხადა.

მისი თქმით, მედიას შეუძლია მოითხოვოს აუდიტის დასკვნა, რადგან ის საჯაროა.

რაც შეეხება ცენტრის თანამშრომლების მოთხოვნას, რომ გასაჯაროვდეს აბაშიძესთან გასაუბრება, სანიკიძის თქმით, ეს ჩანაწერი არის აპლიკანტის საკუთრება და ამის გასაჯაროების უფლება მხოლოდ მას აქვს.

„შეუძიათ ზაზა აბაშიძეს თავად დაუსვან შეკითხვები და პასუხებსაც მიიღებენ. სხვა შემთხვევაში მხოლოდ აპლიკანტს შეუძლია ამის გასაჯაროება. აქედან გამომდინარე, ეს დამოკიდებულია იმაზე, როგორ შეთანხმდებიან. რაც შეეხება აბაშიძეს, ის მუშაობას დღეიდან იწყებს“, -აღნიშნა მინისტრმა.