ევროპაში აშშ-ის არმიის სარდლის, გენერალ-ლეიტენანტ ფრედერიკ ბენ ჰოჯესის განცხადებით, საქართველოს წინაშე არსებული საგარეო გამოწვევების ფონზე აუცილებელია გამოცდილი, ძლიერი შეირაღებული ძალების ყოლა.

ამის შესახებ ჰოჯესმა ერთობლივ პრესკონფერენციაზე განაცხადა, რომელიც საქართველოს თავდაცვის მინისტრთან, თინა ხიდაშელთან შეხვედრის შემდეგ გაიმართა.

ფრედერიკ ბენ ჰოჯესმა ასევე აღნიშნა, რომ ყველას, ვისაც სამხედრო ფორმა აცვია, პირველ რიგში უნდა, რომ გამოწვევები პოლიტიკური და დიპლომატიური გზებით გადაწყდეს.

"აქ უნდა იყოს როგორც დიპლომატიური, ეკონომიკური ზეწოლა, ასევე გათვალისწინებული უნდა იყოს საინფორმაციო ომში წარმატების მიღწევის საშუალება. მაგრამ აუცილებელია ასევე ძალიან ძლიერი, გამოცდილი შეირაღებული ძალების ყოლა", - განაცხადა ამერიკელმა გენერალმა.