გვსურს ევროპული განვითარების გზა აფხაზ და ოს ხალხთან ერთად განვვლოთ- პრეზიდენტი

პოლიტიკა - 20:04, 23 May, 2015

1240

საქართველოს პრეზიდენტი აფხაზ ხალხს "აფხაზეთის" სახალხო დღესასწაულს ულოცავს. განცხადებას გიორგი მარგველაშილი "ფესიბუქის" ოფიციალურ გვერდზე არცელებს. სადაც ნათქვამია, რომ უნდა მოიძებნოს გზა და ინტერესები, რომელიც აერთიანებდათ აფხაზ და ქართველ ხალხს. პრეზიდენტის განცხადებით, ქართველი ხალხის სურვილია საქართველომ ევროპული გზა აფხაზ და ოს ხალხთან ერთად განვლოს.

"დღეს საქართველოში ‘აფხაზეთის დღე’ აღინიშნება. ეს დღე უწმინდესისა და უნეტარესის ილია II-ის ინიციატივთ, იესოს ერთ-ერთი მოციქულის, აფხაზეთის მიწაზე დაკრძალული წმინდა სვიმონ კანანელის ხსენების დღეს დაწესდა.დღეს ჩვენ პატივისცემით ვიხსენებთ ჩვენს თანამემამულეებს, აფხაზეთის მიწის შვილებს - მწერლებსა და მეცნიერებს, სპორტსმენებსა და საზოგადო მოღვაწეებს. დღეს ასევე გულისტკივილით ვიხსნებთ ძმათა შორის ომს. ჩვენ არ უნდა დავივიწყოთ წარსული, მაგრამ ორინეტირებულნი უნდა ვიყოთ მომავალზე - უნდა მოვძებნოთ და განვაახლოთ ის ინტერესები და ფასეულობები, რაც ოდითგანვე აერთიანებდა ჩვენს ხალხებს.დღეს საქართველო შეუქცევადად ადგას ევროპული განვითარების გზას და ჩვენი გულწრფელი სურვილია, რომ იგი აფხაზ და ოს ხალხთან ერთად განვვლოთ. ღრმად მწამს, რომ კონფლიქტების მშვიდობიან მოგვარებას, ურთიერთგაგებასა და თანამშრომლობას, დემოკრატიული და მშვიდობიანი სახელმწიფოს ერთობლივ შენებას ალტერნატივა არ აქვს,"-ნათქვამია პრეზიდენტის მიერ გავრცელებულ განცხადებაში.