,,ევროკავშირმა კიდევ ერთხელ ჩაიბურტყუნა საკუთარი არაადეკვატური პოზიცია...“

,,ევროკავშირმა კიდევ ერთხელ ჩაიბურტყუნა საკუთარი არაადეკვატური პოზიცია...“ - კრემლი რიგის სამიტზე

პოლიტიკა - 13:15, 23 May, 2015

2408

რუსეთის საგარეო საქმეთა სამინისტრო რიგის სამიტს ეხმაურება და მიღებულ დეკლარაციასთან დაკავშირებით ოფიციალურ განცხადებას აქვეყნებს.

,,რუსეთის საგარეო საქმეთა სამინისტრო ყურადღებით ადევნებდა თვალყურს ევროკავშირის აღმოსავლეთის პარტნიორობის რიგის უმაღლესი დონის შეხვედრის მომზადებასა და ჩატარებას. მისი შედეგები ძირფესვიანად იქნება გაანალიზებული იმ კუთხით, რომ ევროკავშირი პირდებოდა რუსეთს, რომ ეს თანამშრომლობა არ ეწინააღმდეგება რუსეთის ინტერესებს.

მიუხედავად რუსეთის მიერ გაწეული ძალისხმევისა, რაც ეფუძნებოდა ჩვენს პასუხსიმგებლობას ევროპის ქვეყნების ბედზე, რიგაში მოკლევადიანი ამოცანების წნეხის ქვეშ, ხელიდან იყო გაშვებული კიდევ ერთი შესაძლებლობა, რათა თავიდან აგვეცილებინა კონტინენტის დაყოფის გაღრმავებადი პროცესი. დასკვნით დოკუმენტში ფაქტიურად დადასტურებულია ყველა წინა მოცემულობა, რომელიც აღმოსავლეთის პარტნიორობის ვილნიუსის სამიტზე იქნა მიღებული.

აღმოსავლეთის პარტნიორობა ფაქტობრივად რჩება იდეოლოგიზირებულ გეოპოლიტიკურ პროექტად, რომლის რეალიზაციაზეც უარყოფით გავლენას ახდენენ ევროკავშირის გარკვეული წევრი ქვეყნები, მათი ისტორიული ანტირუსული კომპლექსებიდან გამომდინარე.

ხაზს ვუსვამთ, რომ ევროკავშირმა კიდევ ერთხელ ჩაიბურტყუნა თავისი არაადეკვატური პოზიცია ყირიმთან დაკავშირებით. ევროკავშირის წევრი სახელმწიფოების ზოგიერთ ხელმძღვანელს და ბრიუსელის წარმომადგენლებს მოუწევთ ისწავლონ იმ ერის თავისუფალი ნებისა და არჩევანის პატივისცემა, რომლის შესახებაც ასე უყვართ სხვადასხვა კონტექსტში მსჯელობა.

ასევე ყურადღებას იპყრობს ის, რომ აღმოსავლეთ პარტნიორობის ყველა უბედურებები და არსებული აზრთა სხვადასხვაობის მიზეზები, სხვადასხვა ქვეყნებს შორის, მათ შორის ევროპკავშირის წევრებში, მიიჩნევა მოსკოვის მაქინაციებად. სამიტი ახალია, სიმღერა -ძველი.

რუსეთი არ აყენებს ეჭქვეშ ნებისმიერის უფლებას, განამტკიცოს ურთიერთობები პარტნიორებთან, მათ შორის ევრიკავშირთან, მაგრამ ამის გაკეთება უნდა ხდებოდეს თანაბარი უფლებების საფუძველზე. არ უნდა ხდებოდეს რეფორმებისა და მოდერნიზაციისკენ დაინტერესებული ქვეყნების მისწრაფებების ბოროტად გამოყენება. პატივი უნდა სცენ ისტორიულ კავშრებს და მეზობლებთან ურთიერთობის მთელ კომპლექსს.

არის რა ევროპული ცივილიზაციის განუყოფელი ნაწილი, რუსეთი გამოდის იმ ფაქტიდან, რომ ევროპული მატირიცისადმი ამა თუ იმ ქვეყნის კუთვნილება, არ არის დამოკიდებული რაღაც გადაწყვეტილებებსა თუ აღიარებებზე. მისი განმტკიცება არის მუდმივი და ცოცხალი პროცესი. მან უნდა დააახლოვოს ყველა ევროპელი ლისაბონიდან ვლადივასტოკამდე და არ უნდა დაგვყოს ჩვენ ცრუ კითხვით - ვისთან ხარ შენ?

ვადასტურებთ კონსტრუქციული თანამშრომლობის მზადყოფნას ევროკავშირთან, ევრაზიულ ეკონომიკური კავშირის წევრ ქვეყნებსა და დსთ-ს წევრ ქვეყნებთან, ერთიანი ეკონომიკური და ჰუმანიტარული სივრცის მშენებლობისთვის, რომელიც იქნება ყველასთვის საერთო და უსაფრთხო ატლანტიდან წყნარ ოკანემდე“ - ნათქვამია რუსეთის საგარეო საქმეთა სამინისტროს განცხადებაში.