ექსპერტი თორნიკე შარაშენიძე რიგის სამიტის გადაწყვეტილებას ეხმაურება და ამბობს, რომ მოლოდინი უფრო მეტი იყო.

მისი თქმით, ამ ეტაპზე მთავრობა მთლიანად უნდა გადაერთოს ტექნიკურ სამუშაოებზე იმისთის, რომ ევროკომისიის დასკვნაში ეს დადებითად აისახოს.

„მოლოდინი მეტი იყო. საერთოდ მოლოდინების მენეჯმენტი პრობლემაა. წინა მთავრობის დროს იყო მაპზე და ახლაც ალბათ იგივე მოხდა ვიზების ლიბერალიზაციაზე. დეკემბრამდე დრო არც თუ ისე ბევრია და უნდა გაკეთდეს ბევრი სამუშაო, აქ ძირითადად ტექნიკურ სამუშაოზეა საუბარი. მნიშვნელოვანია, რომ მთავრობა მთლიანად ამ საკითხებზე გადაერთოს და მიხედოს იმ ტექნიკურ სამუშაოს, რომელიც აქ უნდა შევასრულოთ. ასევე მიხედოს სერიოზულად ეკონიმიკას, რადგან თუ ჩვენ ვიქნებით ქვეყანა, სადაც ეკონომიკური კრიზისი და არეულობაა, ევროკავშირს ვიზების ლიბერალიზაცია არ მოუნდება“, - განაცხადა შარაშენიძემ.