რიგის სამიტი ვერ გადაწყვეტს ვიზის მინიჭება-არმინიჭების საკითხს

რიგის სამიტი ვერ გადაწყვეტს ვიზის მინიჭება-არმინიჭების საკითხს - კახა გოგოლაშვილი

პოლიტიკა - 17:28, 22 May, 2015

1217

ექსპერტი კახა გოგოლაშვილი რიგის სამიტზე მიღებულ გადაწყვეტილებას აფასებს და ამბობს, რომ მთავარი არ არის ის, თუ დეკლარაციაში რა ჩაიწერა. გოგოლაშვილი მიიჩნევს, რომ მთავარი ევროკავშირის წევრი სახელმწიფოების განწყობა.

„მთავარი არ არის ის, თუ რა ჩაიწერა დეკლარაციაში. მთავარი არის ის, რომ რა სახის კონსენსუსი არსებობს ევროკავშირის წევრ სახელმწიფოებში. რიგის სამიტი ვერ გადაწყვეტს ვიზის მინიჭება-არმინიჭების საკითხს. მთავარი არის ის, თუ როგორი განწყობა გამოჩნდა წევრი ქვეყნებისგან. ამ შემთხვევაში გამოჩნდა ის, რომ ქვეყნები კმაყოფილები არიან იმ პროგრესით, რომელსაც მიაღწიეს საქართველომ და უკრაინამ იმ გეგმის გათვალისწინებით, რაც სავიზო ლიბერალიზაციისთვის არის აუცილებელი“, - განაცხადა გოგოლაშვილმა.
ევროკომისიის ოფიციალურ ვებგვერდზე აღმოსავლეთ პარტნიორობის რიგის სამიტის დეკლარაციის საბოლოო ვარიანტი გამოქვეყნდა. დეკლარაცია 30 პუნქტიანია.
დეკლარაციაში ევროკავშირთან საქართველოსა და უკრაინისთვის ვიზალიბერალიზაციის ზუსტი თარიღი აღნიშნული არ არის, თუმცა ნათქვამია რომ შემდეგი განხილვა 2015 წლის ბოლოს მოხდება.