განათლების მინისტრის მრჩეველი ნიკა მელიას ღიპზე ჩქმეტაში ადანაშაულებს (ვიდეო)

პოლიტიკა - 19:06, 21 May, 2015

5000

განათლების მინისტრის მრჩეველი ოთარ აბესაძე "ნაციონალური მოძრაობის" წევრ ნიკა მელიას პროვოკაციის მოწყობის მცდელობაში ადანაშაულებს. მისი თქმით, ნიკა მელიამ რომელიც სამინისტროში სასკოლო ასაკთან დაკავშირებით მშობელთა საინიციატივო ჯგუფთან ერთად იყო მისული, დისკუსიის დროს მას სიტყვიერი და ფიზიკური შეურაცხყოფა მიაყენა, კერძოდ კი მუცელზე, ე.წ.ღიპზე უჩქმიტა. აღნიშნულ ფაქტთან დაკავშირებით ოთარ აბესაძე სოციალურ ქსელში სტატუსს და ვიდეოს აქვეყნებს:

"დღეს საქართველოს განათლებისა და მეცნიერების სამინისტროში სასკოლო ასაკთან დაკავშირებით მოვიდა მშობელთა საინიციატივო ჯგუფი. ამ საკითხზე გაიმართა მინისტრისა და მათი შეხვედრა. მშობლებთან ერთად, მოდი ესე ვიტყვი მშობლებზე მეტი იყვნენ თავისუფალი ზონის და ნაციონალური მოძრაობის წევრები.

მინისტრთან შეხვედრაზე ასაყვანად ჩავედი მე სადაც ვესაუბრე დეპუტატ კობა სუბელიანს და ნაც. მოძრაობის წევრ ნიკანორ მელიას. ცხადია მათ სურდათ "შოუ" და პროვოკაცია რასაც ვერ მიაღწიეს და ამ დროს ბ-ნი ნიკანორი დისკუსიის დასრულებისას მომიახლოვდა, მომაყენა სიტყვიერი შეურაცხყოფა და მომაყენა ფიზიკური შეურაცხყოფა ( მიჩქმიტა მუცელზე ე.წ. ღიპზე) ბ-ნი ნიკანორი სავარაუდოდ არ იყო ფხიზელ მდგომარეობაში. (ყნოსვით მივხვდი ) ცხადია ამ პროვოკაციას არ წამოვეგე და ვიდეოს ბოლოში კობა სუბელიანს მივმართავ რომ თავის თანაპარტიელ ბ-ნ ნიკანორ მელიას ასწავლოს, რომ შეხვედრებზე ოპონენტს არ უნდა უჩქმიტოს.
დანარჩენს დაწვრილებით დღეს 21:15 წუთზე ტელეკომპანია კავკასიის ეთერში ბატონ დავით აქუბარდიას გადაცემაში დეტალურად აღვწერ შეხვედრას და ნაციონალური მოძრაობის მორიგ პროვოკაციას."- წერს ოთარ აბესაძე