შინაგან საქმეთა მინისტრის მოადგილე არჩილ თალაკვაძე პროკურატურის მუშაობით კმაყოფლია.

როგორც ადამიანის უფლებათა დაცვის კომიტეტის სხდომაზე თალაკვაძემ განაცხადა პროკურატურა დამოუკიდებელ გამოძიებას უზრუნველყოფს.

"ევროკავშირის ასოცირების დღის წესრიგში მითითებულია, რომ საგამოძიებო მექანიზმი უნდა იყოს დამოუკიდებელი და ეფექტური. ასეთი მექანიზმი საქართველოს კონსტიტუციით და კანონმდებლობით არის პროკურატურა. რაც შეეხება დამოუკიდებელ გამოძიებას, ყველა შემთხვევაში, როცა სისხლის სამართლის საქმეები პოლიციელების წინააღმდეგ აღიძრება, მას დამოუკიდებელი ორგანო იძიებს და არა - შინაგან საქმეთა სამინისტრო. მიმაჩნია, რომ საქართველოს აქვს საგამოძიებო მექანიზმი, რომლის დამოუკიდებლობის და ეფექტურობის გაუმჯობესება ყოველთვის შეიძლება და ეს არის პროკურატურა", - განაცხადა თალაკვაძემ.