აჭარის მთავრობის თავმჯდომარე არჩილ ხაბაძე აჭარის უმაღლეს საბჭოში დაიბარეს. ხაბაძე დეპუტატებს 18 ივნისს შეხვდება.

„ჩვენ მივეცით ერთ თვიანი ვადა, რომ მოემზადოს და სრული წარმოდგენა ჰქონდეს რეგიონზე. ძირითადად ჩვენ საუბარი გვექნება იმ პრობლემებზე რაც რეგიონს აქვს - ეს არის ინფრასტრუქტურული და სოციალური პრობლემები... ასევე ის, რომ ადამიანები თანამდებობებზე პოლიტიკური ნიშნით ინიშნებიან“, - განაცხადა აჭარია უმაღლესი საბჭოს ფრაქცია „ნაციონალური მოძრაობის“ მდივანმა პეტრე ზამბახიძემ.

პლენურულ სხდომაზე საკითხი ნაციონალური მოძრაობის წევრებმა დააყენეს. კენჭისყრის მომხრე 11 დეპუტატი იყო, 2 წინააღმდეგი, 7-მა თავი შეიკავა.