თავდაცვის მინისტრს კიდევ ერთი მოადგილე ეყოლება. როგორც პრემიერის მიერ გამოცემულ ბრძანებაშია ნათქვამი, თინა ხიდაშელის მეოთხე მოადგილედ კახა ოქროჯანაშვილი დაინიშნა.

„საქართველოს მთავრობის სტრუქტურის, უფლებამოსილებისა და საქ-მიანობის წესის შესახებ“ საქართველოს კანონის 24-ე მუხლის პირველი პუნქტის საფუძველზე, დაინიშნოს კახა ოქროჯანაშვილი საქართველოს თავდაცვის მინისტრის მოადგილედ 2015 წლის 4 მაისიდან“, - ნათქვამია ბრძანებაში.

როგორც თავდაცვის სამინისტროს ოფიციალურ ვებ-გვერდზე გამოქვეყნებულ ინფორმაციაშია ნათქვამი, ოქროჯანაშვილი თავდაცვის მინისტრის მოადგილის პოსტზე გასული წლის დეკემბრიდან მუშაობდა.

შეგახსენებთ, თინა ხიდაშელის პირველი მოადგილის პოსტს დავით ებრალიძე იკავებს. ასევე თავდაცვის მინისტრის მოადგილეები არიან იურისტი ბესიკ ლოლაძე და საია-ს ყოფილი თავმჯდომარე ანა დოლიძე.