განათლების მინისტრი თამარ სანიკიძე ხელნაწერთა ეროვნული ცენტრის დირექტორის პოსტზე ზაზა აბაშიძეს დღეს ოფიციალურად დანიშნავს. როგორც ცნობილია, აბაშიძე ახალ თანამდებობაზე მუშაობას უახლოეს დღეებში შეუდგება.

„სავარაუდოდ მომავალი კვირიდან მივალ ხელნაწერთა ეროვნული ცენტრის თანამშრომლებთან, შევხვდები, დაველაპარაკები მათ. დარწმუნებული ვარ, რომ ბევრი მათგანი დარჩება თანამდებობაზე. ვინც კატეგორიულად წინააღმდეგია, რომ იმუშაოს ზაზა აბაშიძესთან, ის ალბათ წავა“, - განაცხადა აბაშიძემ.

პარალელურად ხელნაწერთა ეროვნული ცენტრის თანამშრომლები გაფიცვას არ წყვეტენ. ისინი მოითხოვენ, რომ ცენტრის რიდექტორის არჩევის უფლება დაუბრუნდეთ.