შესაძლოა ბუბა კუდავას საქმიანობით პროკურატურა დაინტერესდეს

შესაძლოა ბუბა კუდავას საქმიანობით პროკურატურა დაინტერესდეს - სანიკიძე აუდიტის დასკვნაზე საუბრობს

პოლიტიკა - 01:36, 21 May, 2015

2011

შესაძლოა ხელნაწერთა ეროვნული ცენტრის ყოფილი ხელმძღვანელის ბუბა კუდავას საქმიანობით პროკურატურა დაინტერესდეს, - ეს განცხადება განათლებისა და მეცნიერების მინისტრმა თამარ სანიკიძემ "პალიტრა TV"-ის გადაცემა "რეზიუმეში" სტუმრობისას განაცხადა.

მინისტრის განმარტებით, ხელნაწერთა ეროვნულ ცენტრში შესულია აუდიტის სამსახური, რომელიც მათ საქმიანობას სწავლობს.

"როგორი მენეჯერი იყო ბუბა კუდავა, ამას გვაჩვენებს აუდიტის ანგარიში. იქ არის სერიოზულ დარღვევებზე საუბარი ამ კონკრეტული ინსტიტუციის მიმართებაში. ბიუეტირება, შესყიდვები, ზოგადად მართვის ეფექტურობა და ა.შ. რომელიც ძალიან მნიშვნელოვანია. ეს კიდევ მეორე პლანზეა, მაგრამ აქ არის საუბარი ფონდებზე და დაწესებულებაში არსებულ სხვა სახის გადაცდომებზე. მაგალითად ფონდების მცველები, ვისაც აბარია მთელი სიმდიდრე, როდესაც არ არის ბრძანებით განსაზღვრული პირი, ვინც პასუხისმგებელია ამ ყველაფერზე. როდესაც იცვლება ფონდის თანამშრომელი და არ ხდება ძველიდან ახალზე გადაბარება და როდესაც ჯერ კიდევ 2010 წელს აუდიტის სამსახური გეუბნება, რომ ფონდების ინვენტარიზაცია არ გაქვს ჩატარებული და იგივეა წელსაც. ამის პარალელურად არსებობს კიდევ მრავალი საჩვრები წოინანი ექსპერტების მიერ წარმოდგენილი. ფინანურ დარღვევებს რაც შეეხება, იქ არის საუბარი ხელფასებზე. ჩვენ ვერ დავადგინეთ წესი, რის მიხედვით ნაწილდებოდა ხელფასები. საუბარია მივლინებაზე, ბიუჯეტირებაზე, სხვადასხვა ანგარიშებზე საუბარი, სადაც დაუსაბუთებელი თანხებია. შესყიდვების კანონის სისტემურ დარღვევებზეა საუბარი. ეს არის სამუშაო და გამოსასწორებელი. იმ არგუმენტებიდან, რაც იყო წარმოდგენელი, გაბათილებულია მხოლოდ ერთი პუნქტი. დანარჩენი პრეტენზიები დარჩა და მასზე არგუმენტაციაც არ გააჩნიათ. არ არის გამორცხული ამაში პროკურატურა ჩაერთოს. ჩვენ აუცლელად კონტროლის პალატასაც მივმართავთ, რომ შეისწავლოს არა მხოლოდ ეს წელი, არამედ წინა წლების საქმიანობა", - განაცხადა თამარ სანიკიძემ.