ევროპარლამენტარების მიმართვას საგარეო საქმეთა მინისტრი თამარ ბერუჩაშვილის ეხმაურება და ამბობს, რომ წერილში მკაფიო მოწოდებაა ევროპული პერსპექტივების შესახებ.

ამის შესახებ ბერუჩაშვილმა ჟურნალისტებთან საუბრისას განაცხადა.

„აქ არის ძალიან მკაფიო მოწოდება ევროპული პერსპექტივის შესახებ, ნახსენებია ევროკავშირის შეთანხმების 49-ე მუხლი, რომელიც ეხება ევროკავშირის წევრობას. ასევე არის მკაფიო მოწოდება, რომ რაც შეიძლება დროულად დამთავრდეს სავიზო ლიბერალიზაციის პროცესი“, - განაცხადა ბერუჩაშვილმა.

რიგის სამიტის წინ ევროპარლამენტარები ევროკავშირის წევრი ქვეყნების მთავრობის მეთაურებს საგანგებო წერილით მიმართავენ და მოუწოდებენ "აღმოსავლეთ პარტნიორობის" სამიტზე მხარი დაუჭირონ საქართველოს, უკრაინისა და მოლდოვას ევროპულ პერსპექტივას.