გარემოს დაცვის მინისტრი კანონიერს უწოდებს მისი წინამორბედის ბრძანებას საქართველოში 25 ტონა სოიოს შემოტანასთან დაკავშირებით.

ამის შესახებ გიგლა აგულაშვილმა საგანგებო ბრიფინგზე განაცხადა, რომლითაც გოგი თოფაძეს და ზურაბ ტყემალაძეს უპასუხა.

„ეს შესაბამისობაშია საქართველოს კანონმდებლობასთან, რომელიც ამბობს, რომ არ დავთესოთ, არ მოვიყვანოთ, ასეთი პროდუქტები, მაგრამ საკვებად მისი გამოყენების ან გადამუშავებისათვის საქართველოში შემოტანა შესაძლებელია. ამას ამბობს, ყველა ნორმა, როგორც კანონი, ასევე კანონქვემდებარე აქტი. შესაბამისად, როდესაც ლაპარაკია კანონის უკანონობაზე, არსებობს ერთადერთი მარტივი გამოსავალი, ამაზე კი არ უნდა ვიკამათოთ და ვიჩხუბოთ, არამედ მივმართოთ სასამართლოს, სადაც ვეცდებით ჩვენ-ჩვენი პოზიციები დავიცვათ“, - განაცხადა აგულაშვილმა.