თბილისის მერი დავით ნარმანია მრჩევლების დამატებასთან დაკავშირებით განმარტებას აკეთებს.

მისი თქმით, მრჩევლების აყვანა საშტატო ერთეულის გაზრდას არ ნიშნავს.

„ეს ცვლილება რაიმე სახის დამატებითი მრჩევლების დანიშვნას არ ითვალისწინებს. ადმინისტრაციაში სხვადასხვა მიმართულებით იყო შტატები გაფანტული, ამ ცვლილებით ხდება ერთიანად თავმოყრა, მრჩევლები გვყავს ჩვენ ცენტრალურ აპარატში ასე, რომ რაიმე მნიშვნელოვანი ცვლილება ამით არ ხდება და უმჯობესია, რომ საზოგადოება არ შეიყვანონ მათ შეცდომაში“, - განაცხადა დედაქალაქის მენრმა დავით ნარმანიამ.

საკრებულოს „ნაციონალური მოძრაობის“ წევრის თამაზ შოშიაშვილის ინფორმაციით, თბილისის მერი ხუთი ახალი მრჩევლის დანიშვნას ითხოვს.

მისი თქმით, განცხადებით დავით ნარმანიამ საკრებულოს გასულ კვირას მიმართა.