18-წლიანი შეხლა-შემოხლა და ეჭქვეშდაყენებული სამინისტრო - მრეწველები აგულაშვილს დაუპირისპირდნენ

პოლიტიკა - 12:32, 20 May, 2015

1454

გარემოს დაცვის საპარლამენტო კომიტეტის სხდომაზე გარემოს დაცვის მინისტრ გიგლა აგულაშვილს ფრაქცია „მრეწველების“ წევრები: გოგი თოფაძე და ზურაბ ტყემალაძე დაუპირისპირდნენ.

„მრეწველები“ აგულაშილისგან მისი წინამორბედის, ელგუჯა ხოკრიშვილის მიერ გამოცემული №198 ბრძანების შეჩერებას ითხოვენ, რომლის მიხედვითაც საქართველოში გენმოდიფიცირებული სოიოს შემოტანა მოხდება.

გარემოს დაცვის მინისტრის თქმით, აღნიშნული ბრძანება უკანონო არ არის, თუმცა თუ დეპუტატები გარკვეულ რისკებს ხედავენ, ის მზად არის ამ საკითხზე მათთან ერთად იმუშაოს.

"ვერ ვიტყვი, რომ ეს ბრძანება უკანონოა, მაგრამ თუკი ფიქრობთ, რომ რისკები არსებობს, მზად ვარ ერთად ვიმუშაოთ. მე რომ მეჩხუბებით ამ ბრძანების გამო, ვერ გავიგე რა გინდათ. ჩვენ დავუშვით იმის შემოტანის უფლება ბაზარზე, რისი უფლებაც მოგვცა ევროკავშირმა", - განაცხადა აგულაშვილმა, მისი განმარტებით, თუ რომელიმე ბიზნესმენს ბაზარზე ცოცხალი გენმოდიფიცირებული სოიოს პროდუქტის შემოტანის სურვილი გაუჩნდება, მან გარემოს დაცვის სამინისტროს უნდა მიმართოს და ეს საკითხი სპეცილური ბრძანებით და კანონით დარეგულირდება.

ფრაქცია „მრეწველების“ წევრებმა სხდომის მიმდინარეობისას გარემოს დაცის სამინისტროს როგორ უწყების ფუნქცია და არსებობის საკითხი ეჭვქვეშ დააყენეს:

"18 წელია ამ სამინისტროსთან შეხლა-შემოხლა მაქვს. ხომ არ დადგა დრო, ამ სამინისტროს სახელწოდება შევცვალოთ. საერთოდ საეჭვოა ამ სამინისტროს ფუნქცია. ჩვენ, ფრაქცია მრეწველები გენმოდიფიცირებული პროდუქციის იმპორტის წინააღმდეგი ვართ", - განაცხადა ზურაბ ტყემალაძემ.