საკრებულოს „ნაციონალური მოძრაობის“ წევრის თამაზ შოშიაშვილის ინფორმაციით, თბილისის მერი ხუთი ახალი მრჩევლის დანიშვნას ითხოვს.

მისი თქმით, განცხადებით დავით ნარმანიამ საკრებულოს გასულ კვირას მიმართა.

„ეს ყველაფერი ხდება იმ დროს, როცა მერს ორი მრჩეველი, ვიცე-მერი და ხუთი მოადგილე ჰყავს. მერიაში დღეისთვის საშტატო ერთეული 3770-ს შეადგენს. გაზრდილი შტატებისთვის ბიუჯეტიდან თვეში, პრემიების გარდა, 500 000 ლარი იხარჯება. უკიდეგანოდ ხდება "ქართული ოცნების" აქტივისტების დაკავება. დედაქალაქის მერია "ქართული ოცნების" შტაბად იქცა. დავით ნარმანიას მოთხოვნა არის ამორალური, ამიტომ ჩვენ მას მხარს არ დაუჭერთ", - განაცხადა თამაზ შოშიაშვილმა.