საქართველოს პრეზიდნეტმა, გიორგი მარგველაშვილმა უცხოურ გამოცემა Associated Press-თან მიცემულ ინტევიუში განაცხადა, რომ რუსეთი მზად არის თავისი შეიარაღებული ძალები ყოფილი საბჭოთა კავშირის ქვეყნებში ტერიტორიის გასაფართოებლად გამოიყენოს და დასავლეთს მოუწოდებს, რუსეთის აგრესიას არასოდეს შეეგუოს.

მარგველაშვილმა აღნიშნა, რომ 2008 წელს საქართველოში რუსეთის ომმა და 2014 წელს ურკაინისთვის ყირიმის წართმევამ ცხადყო, მოსკოვი მზად არის არასტაბილურობა გამოიწვიოს იმ ქვეყნებში, რომელსაც ჯერაც თავისი გავლენის სფეროდ მიიჩნევს.

"ისინი ყველაზე სწრაფი და პირველები არიან ვისაც ტანკები გამოჰყავთ. ამიტომ, შეგვიძლია ვთქვათ, რომ ევრაზიის კონტინენტის ნახევარი მუდმივი საფრთხის ქვეშ ცხოვრობს. თუ მათ თავიანთ სუვერენულ ქვეყანაში რაიმე სახის არასტაბილური გარემო აქვთ, მათი მეზობელი სწრაფად მოაგვარებს ამ პრობლემას "კალაშნიკოვებით" - აღნიშნა პრეზიდენტმა.