პროკურატურამ კახი კალაძის საქმიანობასთან დაკავშირებით მოკვლევა დაიწყო

პოლიტიკა - 10:52, 20 May, 2015

8640

„ქართული დასის“ ლიდერის ჯონდი ბარათურიას განცხადებით პროკურატურამ ენერგეტიკის მინისტრის კახი კალაძის კორუფციულ საქმიანობასთან დაკავშირებით მოკვლევა დაიწყო. მისი თქმით საქმეში კალაძის გარდა ენერგეტიკის სფეროს სხვა მაღალჩინოსნებიც ფიგურირებენ.

„პროკურატურისგან ვითხოვთ, რომ კახი კალაძის საქმიანობა გამოძიებული იყოს იმ მიმართულებით, რომ მას და მის ბიზნესპარტნიორებს ენერგეტიკის სფეროში აქვთ კომერციული ინტერესები. შესაბამისად ისინი კომერციულად არიან დაინტერესებული, გაზსა და ელექტროენერგიაზე ტარფიფები გაიზარდოს. სწორედ კალაძემ გადმოიყვანა საკუთარი ბიზნესპარტნიორები ენერგეტიკის სამინისტროში საკვანძო თანამდებობებზე და ისინი ლობირებენ ტარიფის გაზრდას.“- აცხადებს ჯონდი ბაღათურია, მისი თქმით ტარიფების ზრდასთან დაკავშირებულია ენერგეტიკის ყოფილი მინისტრი ალეკო ხეთაგურიც:

„ხეთაგური ჩრდილოვანი ფიგურაა ენერგეტიკის სამინისტროში, ის გახლდათ ვანო მერაბიშვილის კადრი, მას ვანო მერაბიშვილის ბიზნესი ებარა ენერგეტიკის სივრცეში და კახი კალაძე სწორედ ალეკო ხეთაგურთან ერთად მართავს ენერგეტიკის სამინისტროს, მათ შორის არის სრული ჰარმონია. კალაძე საკუთარ ინტერესებსა და გამდიდრებაზე ზრუნავს, ხალხის ხარჯზე. მოქმედებს მაფიოზური სქემით და მისი მოქმედება სისხლის სამართლის დანაშაულია“- აღნიშნავს ჯონდი ბაღათურია.