აჭარის მთავრობის თავმჯდომარე არჩილ ხაბაძე რეგიონის ტურიზმის დეპარტამენტის თანამდებობიდან წასვლას ეხმაურება.

ხაბაძის თქმით, დემურ დიასამიძე მისი გუნდის წევრია და ის მთავრობისთვის დიდი დანაკარგი იქნება.

„დემური ფიქრობს, რომ კერძო სექტორში წავიდეს, მაგრამ ჩემი დაჟინებული თხოვნაა და ვფიქრობ გაითვალისწინებს, რომ ის უნდა დარჩეს მთავრობაში. ის არის ჩემი გუნდის წევრი და ვფიქრობ, რომ ჩვენ ერთად ძალიან ბევრი გავაკეთეთ და მისი პოტენციალის, შესაძლებლობის გაშვება იქნება მთავრობისთის ძალიან დიდი დანაკარგი. გადაყვანას ვაპირებთ სხვა პოზიციაზე. უფრო დავაწინაურებთ“, - განაცხადა ხაბაძემ.

აჭარის ტურიზმისა და კურორტების დეპარტამენტის უფროსმა თემურ დიასამიძემ თანამდებობა დატოვა. არსებული ინფორმაციით, აღნიშნული გადაწყვეტილება პრემიერის აჭარაში ვიზიტს უკავშირდება. როგორც ცნობილია, ირაკლი ღარიბაშვილი მისი მუშაობით უკმაყოფილო იყო.