ძაღლის გამო ჩაშლილი "ბოლო ზარი"- რა მოხდა თბილისის ერთ-ერთ სკოლაში

სოც.მედია - 19:43, 19 May, 2015

23940

თამაზ ელიზბარაშვილის ძაღლების თავშესაფრის ფეისბუქგვერდზე ძაღლის გამო ჩაშლილი „ბოლო ზარის“ საინტერესო ისტორია გამოქვეყნდა, ძაღლის და სკოლის მოსწავლეების თავგადასავალი საბოლოოდ მშვიდობიანად დასრულდა, ბავშვებს კი ჩაშლილი თუმცა საინტერესო „ბოლო ზარი“ გამოუვიდათ:

„მესამე სართულის სახურავზე სტაფია!

არავინ იცის საიდან აღმოჩნდა სკოლის სახურავზე სტაფი...

ფაქტი ის არის , რომ ბოლოზარი ჩაშალა...

კერძო სკოლა ,,ლიბერთის'' ადმინისტრაცია დაგვიკავშირდა და დახმარება გვთხოვა...

ჩვენი ჯგუფი მაშინვე წავიდა აღნიშნულ მისამართზე, დადიანის ქუჩაზე...

სახურავზე მყოფი ძაღლის დაჭერა ძალიან გაჭირდა, რადგან დიდი ალბათობა იყო რომ ძაღლი გადავარდნილიყო მესამე სართულიდან... ამ სამაშველო ოპერაციას სკოლის მოსწავლეები ფანჯრიდან ადავნებდნენ თვალს, ერთმა მოსწავლემ შეიცნო მეზობლის ძაღლი.

,,როკის'' დაძახებაზე იმედი მიეცა ძაღლს და გოგონასკენ გაიქცა, სწორედ ამ დროს მოახერხა ჩვენმა თანამშრომელმა მისი დაჭერა...

სამაშველო ოპერაცია მშვიდობით დასრულდა.სტაფის საშველად 112–ის სამაშველო ჯგუფიც ყოფილა გამოძახებული, ისინიც მოვიდნენ შემთხვევის ადგილზე, მაგრამ ძაღლი უკვე სახურავიდან ჩამოყვანილი იყო...

სკოლის დირექციამ ორივე ჯგუფს მადლობა გადაგვიხადა გულისხმიერებისთვის...

პატრონის მეზობელმა მოსწავლემ მისამართი მიგვასწავლა და თეთლუნდის 9 ნომერში დათო არჩვაძეს მივუყვანეთ სტაფი.

,,იტალიურ ეზოში ვცხოვრობ და ჭიშკარს ხშირად ტოვებენ ღია, მიჩვეულია ,,როკი'' დამოუკიდებლად გასვლას, მაგრამ ყოველთვის ბრუნდება... რა უნდოდა სახურავზე, ამაზე პასუხი არც მე მაქვს''...

კარგია, რომ ყველაფერი კარგად დასრულდა...

ბოლოზარის ჩაშლას რაც შეეხება, თუ სხვაგვარად ვიფიქრებთ, სამახსოვრო ბოლოზარიც გამოვიდა...

სკოლა ,,ლიბერთის'' კურსდამთავრებულებს ჩვენთან ერთად მთელი საქართველო დაულოცავს გზას მომავლისკენ!“