ხვალ, საზოგადოებრივი მოძრაობა „ალტერნატიული მერიის“ საინიციატივო ჯგუფი მერიასთან აქციას გამართავს

პოლიტიკა - 19:37, 19 May, 2015

997

ხვალ, 12.00-ზე, თბილისის მერისთან საზოგადოებრივი მოძრაობა „ალტერნატიული მერიის“ საინიციატივო ჯგუფი აქციას გამართავს. აქციის მონაწილეების თქმით, ისინი თბილისსა და მის მერიაში დღეს არსებულ სიტუაციას გააპროტესტებენ. ,,კორუფციულ ტენდერებს, აღზევებულ ნეპოტიზმს და არაკვალიფიციურ კადრებს, ასევე შეჩერებულ სოციალურ პროგრამებს, ქუჩაში გამოყრილ თბილისელებს, გადატვირთულ საბავშვო ბაღებს, გადათხრილ გზებს, გაზრდილ საავტომობილო საცობებს, პარკინგების შემცირებულ რაოდენობას, მწვანე საფარის განადგურებას და მრავალ სხვა მოუგვარებელ პრობლემას“.

რაც შეეხება ,,ალტერნატიულ მერიას“, მათი თქმით, აღნიშნული საზოგადოებრივი მოძრაობის შექმნის იდეა წამოვიდა თბილისელი მოქალაქეებისაგან, რომელთა მიზანია პოლიტიკურ და სამოქალაქო სექტორის ორგანიზაციებთან ერთად ქალაქის პრობლემებზე ფართო საზოგადოებრივი ყურადღების მიპყრობა და ალტერნატიული გადაწყვეტილებების შეთავაზების გზით ეფექტური საზოგადოებრივი მონიტორინგის განხორციელება თბილისის მერიის საქმიანობაზე.

საინიციატივო ჯგუფში წარმოდგენილები არიან: ალექსანდრე ამზაშვილი, მერაბ ქუჩიშვილი, ვანო ნადარეიშვილი, პ/გ „სამოქალაო ალიანსი თავისუფლებისათვის“, პ/გ „ქრისტიან-დემოკრატიული მოძრაობა“, აიპ „ახალი თაობა - დემოკრატიული არჩევნები“, აიპ „ინტერპარტიული განვითარების რეგიონალური ცენტრი“, აიპ „თავისუფალი ქალაქი“.

საზოგადოებრივი მოძრაობის საინიციატივო ჯგუფის ოფისი განთავსებულია მერიის მოპირდაპირე მხარეს შარტავას ქ. 14ა-ში და ნებისმიერ მსურველს შეუძლია მიმართოს მას მერიასთან დაკავშირებულ პრობლემებზე.

აქციის დაწყებამდე ზემოაღნიშნულ ოფისში (მერიის შენობის პირდაპირ) გაიმართება საინიციატივო ჯგუფის პრეზენტაცია.

საზოგადოებრივი მოძრაობა “ალტერნატიული მერიის“ საინიციატივო ჯგუფი სათანამშრომლოდ იწვევს თბილისის პრობლემების მოგვარებით დაინტერესებულ მოქალაქეებს, არსამთავრობო და პოლიტიკურ ორგანიზაციებს.

საკონტაქტო პირები - საინიციატივო ჯგუფის წევრები:

ალექსანდრე ამზაშვილი - 551 396 604

ზურაბ ხარატიშვილი - 577 998 858

გოჩა ჯოჯუა - 577 579 503