ირაკლი კორძაია ზეწოლაზე საუბრობს- ჟურნალისტმა საფრთხის გამო საქართველო დატოვა

პოლიტიკა - 18:30, 19 May, 2015

2601

ჟურნალისტი ირაკლი კორძაია აცხადებს, რომ ის საფრთხის გამო საქართველოდან წავიდა. კორძაია თბილისიდან გუშინ გაფრინდა.

"წავედი, ხვალ დილიდან ვაპირებ რიგაში გამგზავრებას, რათა ჩემი წასვლის მიზეზებზე მივაწოდო ჟურნალისტებს ინფორმაცია. ზოგადად იმ კონსოლიდირებული ზეწოლის მრვალაწახნაგებზე, რასაც ბოლო 2 თვის მანძილზე ადგილი ჰქონდა ჩემს მიმართ. მე ვერ დავინახე, რომ ხელისუფლებას გააზრებული ჰქონდა ის საფრთხე, რომლის წინაშეც დავდექი, მაგრამ მაინც პირიქით მგონია, გააზრებული აქვთ და აწყობთ ასე რომ იყოს", - განუცხადა ნეტგაზეთს ირაკლი კორძაიამ.

"ირაკლი კორძაია საქართველოდან წავიდა. მიზეზს თვითონ იტყვის. გუშინ ღამით გაფრინდა. ჰქონდა ზეწოლას ადგილი. მე როგორც ვიცი, ის იდეალები, რომელიც ამ არჩევნებთან დაკავშირებით ჰქონდა, დაერღვა", - ამბობს ჩვენთან საუბარში სოსო ზაალიშვილი მისი მეგობარი, რომელმაც კორძაია აეროპორტამდე მიიყვანა.

ჯერჯერობით უცნობია, აპირებს თუ არა კორძაია ევროპის რომელიმე ქვეყანაში თავშესაფრის მოთხოვნას ან საქართველოში უკან დაბრუნებას და როდის.

"სანამ გარანტიები არ ექნება, ვერ დაბრუნდება. აშკარად იყო ზეწოლა ამ ადამიანზე", - ამბობს ზაალიშვილი.

მოკლული ბიზნესმენის ბესიკ ხარძიანის მეგობარი ირაკლი კორძაიააცხადებდა რომ ხარძიანის მკვლელობის კვალი შესაძლოა გია უდესიანთან მიდიოდეს, რომელთანაც ხარძიანს დავა ქონდა. ამასთანავე ირაკლი კორძაიამ "იმედის" ეთერში სტუმრობისას უდესიანის გარდა ლაშა ნაცვლიშვილისა და ჯანყარაშვილი გვარები დაასახელა, რომლებიც, მისი თქმით, ხარძიანისთვის ქონების დაბრუნების პროცესს აყოვნებდნენ.

წყარო „ნეტგაზეთი“