პრემიერ-მინისტრმა საქართველო-ავსტრიის ბიზნესფორუმზე ბოლო ორი წლის განმავლობაში მიღწეულ წარმატებებზეც ისაუბრა.

მისი თქმით, საქართველომ ბევრ წარმატებას მიაღწია სახვადასხვა მიმართულებით.

როგორც ღარიბაშვილმა განაცხადა, გასულ წელს ქვეყანას 4,8 პროცენტი ეკონომიკური ზრდა ჰქონდა, რომელიც რეგიონში უპრეცედენტო იყო.

„მიუხედევად უკრაინაში არსებული კრიზისისა, ასევე ახლო აღმოსავლეთში არსებული კონფლიქტებისა, საქართველომ შეძლო მიეღწია წარმატებებისთვის. წელს, პირველ კვარტალში გვქონდა 3, 2 პროცენტიანი ზრდა, თუმცა ჩვენი ვალუტა გაუფასურდა, ისევე როგორც რეგიონში ვალუტები და არამხოლოდ რეგიონში, არამედ ევროპის ქვეყნებშიც, თუმცა ჩვენ ვართ მოწოდებული რომ გავაგრძელოთ წინსვლა“, - განაცხადა პრემიერმა.