იუსტიციის მინისტრი თეა წულუკიანი ზურა ადეიშვილის მიერ უკრაინულ გამოცემა „გლავკომსთვის“ მიცემულ ინტერვიუს ეხმაურება.

როგორც ტელეკომპანია „იმედის“ ეთერში წულუკიანმა განაცხადა, უკრაინაში ადეიშვილის და სხვა „მისნაირი მრჩევლების“ მიმართ ხალხის მხრიდან გაღიზიანება იგრძნობა.

მინისტრმა ისიც აღნიშნა, რომ ზაფხულამდე კიევში ჩასვლას გეგმავს.

„ეს ინტერვიუ ვნახე მე და მომეჩვენა, რომ წარსული მელაპარაკებოდა. ეს არის ის წარსული მექანიზმები, რომელმაც საქართველოში ბევრი უბედურება მოიტანა და რატომღაც ამ უბედურების შექმნელი სხვა ქვეყანაში დემოკრატიის მშენებლად მოიაზრება. მე ცოტა სხვა ინფორმაციაც მაქვს, რომ მისნაირი სხვა მრჩევლების მიმართ საზოგადოების მხრიდან გაღიზიანება იზრდება. უკრაინა ჩვენნაირად ნატანჯი ერია, რომელმაც ისტორიიდან ბევრი რამ ისწავლა. ისინი ნელ-ნელა ხედავენ, რომ რაც ჩვენ მოვიშორეთ იქ განლაგდნენ და რჩევებს იძლევიან“, - განაცხადა წულუკიანმა.

საქართველოს იუსტიციის ყოფილი მინისტრი, ამჟამად უკრაინის ანტიკორუფციული ბიუროსა და გენერალური პროკურატურის მრჩეველი, ზურაბ ადეიშვილი 2 წელიწადნახევრის შემდეგ პირველ ინტერვიუს აძლევს უკრაინულ გამოცემა „გლავკომს“ სადაც ის საქართველოში განხორციელებულ რეფორმებზე, უკრიანის პრესპექტივასა და მომავალ გეგმებზე საუბრობს.