აფხაზეთის დე ფაქტო რესპუბლიკის ე.წ. თავდაცვის მინისტრმა, ვლადიმერ ანუამ დეფაქტო პრეზიდენტს აფხაზეთის შეიარაღებული ძალების გენერალური შტაბის ახალი ხელმძღვანელი, ანატოლი ხრულოვი წარუდგინა, რომელიც 2006-2010 წლებში ჩრდილო-კავკასიის სამხედრო ოლქის 58-ე არმიას ხელმძღვანელობდა.

ხრულოვს რაულ ხაჯიმბამაც მიმართა.

„ჩვენი არმია დიდი არ არის, მაგრამ მისი ჩამოყალიბების დროს, მძიმე საომარ ვითარებაში თავისი ბრძოლისუნარიანობა დაგვანახა. დღეს კი სხვა დროა და სხვა ამოცანებს ვისახავთ მიზნად, მათ შორის რუსეთთან სამხედრო-ტექნიკური თანამშრომლობის განვითარებაა. გვჯერა თქვენი ცოდნისა და გამოცდილების“ - განაცხადა ხაჯიმბამ.

ხრულოვმა 2003 წელს რუსეთის ფედერაციის გენერალური შტაბის სამხედრო აკადემია დაამთავრა, 2008 წლის აგვისტოს ომის დროს მძიმედ დაიჭრა და ვლადიკავკაზში მკურნალობდა.

2010 წლიდან მას სამხედრო სამსახურში არ უმუშავია.

ხატია ლაღიძე