უმრავლესობის წევრი ზაქარია ქუცნაშვილი საკანონმდებლო ინიციატივით გამოდის. დეპუტატი აპირებს, რომ პარლამენტში წარადგინოს კანონპროექტი, რომლის მიხედვით მაღალი თანამდებობის პირებს პრემიების მიღების უფლება შეეზღუდებათ.

მისი თქმით, შეზღუდვები საბიუჯეტო წლის დასრულებამდე უნდა დაწესდეს.

„ლარის დევალვაციამ მოქალაქეების ხარჯები გაზარდა და ვფიქრობ, ადეკვატური იქნება, თუ ჩინოვნიკების შემოსავლებს შევამცირებთ. ვფიქრობ, დაბალი რიგის საჯარო მოსამსახურეებზე ეს შეზღუდვები არ უნდა გავრცელდეს და ამ კანონპროექტით უნდა შეიზღუდოს მაღალი თანამდებობის პირების უფლება, მიიღონ პრემიები“, - განაცხადა ქუცნაშვილმა.