რიგის სამიტზე საქართველოს დელეგაციას ირაკლი ღარიბაშვილი უხელმძღვანელებს

პოლიტიკა - 11:40, 18 May, 2015

988

საგარეო საქმეთა სამინისტროს პრეს-სპიკერმა დავით კერესელიძემ დღევანდელ პრესკონფერენციაზე მოახლოებული რიგის სამიტისა და მასში მონაწილე საქართელოს დელეგაციის შესახებ ისაუბრა. კერესელიძის ქმით, საქართველოს დელეგაციას პრეიერ-მინისტრი ირაკლი ღარიბაშვილი უხელმძღვანელებს, დელეგაციაში ასევე იქნება საგარეო საქმეთა მინისიტრი თამარ ბერუჩაშვილი.

კერესელიძის თქმით, სამიტის ფარგლებში დაგეგმილია ირაკლი ღარიბაშვილის ორმხრივი შეხვედრები უმაღლეს პოლიტიკურ პირებთან, საგარეო საქმეთა მინისტრი კი მონაწილეობას მიიღებს აღმოსავლეთ პარტნიორობის სამოქალაქო საზოგადოების კონფერენციაში.

საგარეო საქმეთა სამინისტროს სპიკერმა ქართული მხარის მოლოდინების შესახებაც ისაუბრა და აღნიშნა, რომ საქართველოს დელეგაციას აქვს დადებითი მოლოდინები. მისივე თქმით, არის იმედი, რომ საქართველოს ძალისხმევა ევროკავშირის მხრიდან დადებითად იქნება შეფასებული.

"როდესაც მუშაობ კარგად და გაქვს წარმატებები ელოდები მაქსიმუმს და ამ მაქსიმუმის მოლოდონი ნამდვილად არის. ჩვენ დეკლარაციის ტექსტი ჯერ არ ვიცით. არ ვიცით, კონკრეტულად რა ჩაიწერება, მაგრამ ვიმედოვნებთ, რომ საქართველოს ძალისხმევა იქნება დადებითად შეფასებული“, - განაცხადა დავით კერესელიძემ.