საქართველოს დღეს ავსტრიის პრეზიდენტი ჰაინც ფიშერი ეწვევა. დახვედრის ცერემონია პრეზიდენტის სასახლეში გაიმართება. ამის შემდეგ კი ავსტრიის და საქართველოს პირველი პირები ერთმანეთს ჯერ პირისპირ შემდეგ კი გაფართოებულ ფორმატში შეხვდებიან.

მარგველაშვილი და ფიშერი მედიისთვის ერთობლივ პრესკონფერენციასაც გამართავს.

დაგეგმილია შეხვედრა პრემიერ-მინისტრთანაც. ავსტრიის პრეზიდენტი გმირთა მოედანზე, საქართველოს ტერიტორიული მთლიანობისთვის დაღუპულ ჯარისკაცებს პატივს მიაგებს.

ვიზიტის ფარგლებში შეხვედრა გაიმართება საქართველოს საპატრიარქოშიც. ასევე დაგეგმილია ბიზნესფორუმიც. ავსტრიის პირველი პირი თბილისში მეუღლესთან ერთად ჩამოვა.