სოფელ ყარაჯალადან სავარაუდოდ სირიაში წასულმა ქალბატონებმა წერილი დატოვეს, სადაც ისლამური სახელმწიფოს მხარეს გადასვლასა და ჯიჰადის გამოცხადებაზე წერდნენ.

ამის შესახებ ყარაჯალაში მცხოვრებლებმა ტელეკომპანია „იმედთან“ საუბრისას განაცხადეს. მათივე ინფორმაციით, ქალბატონების ოჯახის წევრები უკვე თურქეთში იმყოფებიან და მათ დაბრუნებას ცდილობენ.

თუმცა დიანა ღარიბოვას და ანა სულეიმანოვას ოჯახის წევრები იმასაც ამბობენ, რომ ქალბატონები თურქეთში სავაჭროდ გადავიდნენ. არსებობს ინფორმაცია, რომ ღარიბროვა და სულეიმანოვა თურქეთის ერთ-ერთი დასახლებაში იმყოფებიან, სადაც დაუდასტურებელი ინფორმაციით, სირიაში გასამგზავრებელთა რეგისტრაცია მიმდინარეობს

შეგახსენებთ, თელავის რაიონის სოფელ ყარაჯალადან სირიაში კიდევ ორი ადგილობრივი მკვიდრი წავიდა. დიანა ღარიბოვა და ანა სულეიმანოვა 30 წლამდე ასაკის არიან. ისინი საკუთარ ოჯახსთან ერთად თბილისში ცხოვრობდნენ.