დედაქალაქის მერის ინფორმაციით, ახალგაზრდული ოლიმპიადისთვის ახალი სპორტის სასახლე ფუნქციონირებას დაიწყებს.

ამის შესახებ დავით ნარმანიამ ჟურნალისტებთან საუბრისას განაცხადა.

მისი თქმით, ძველ სპორტის სასახლეში რამდენიმე ღონისძიების გადატანა დაზღვევის მიზნით მოხდა.

„კონტრაქტორი კომპანიის ინფორმაციით, ისინი ამ სამუშაოს დაასრულებენ. მათ ყოველდღიური გეგმა-გრაფიკი აქვთ გაწერილი და ამ გრაფიკს მიჰყვებიან. თუმცა, მაინც თავის დაზღვევის მიზნით საორგანიზაციო კომიტეტმა გადაწყვიტა, რომ ალტერნატიული ტერიტორია მოემზადებინა. თუ ობიექტი დროულად ჩაბარდება, რა თქმა უნდა, ღონისძიება იქ ჩატარდება,“ - განაცხადა დავით ნარმანიამ.