,,ნებისმიერი წარმომადგენელი, რომელის დღეს ისაუბრებს იმაზე, რომ აუცილებელია საქართველომ განახორციელოს ეს მსხვერპლშეწირვა ავღანეთის და სხვა სამშვიდობო მისიებში მონაწილეობისათვის, მან უნდა გათვალოს, რომ ეს ადამიანები, რომლებიც მიდიან სამშვიდობო მისიებში, მიდიან გარკვეული ანაზღაურების ხარჯზე“ - ეს განცხადება ამჟამინდელმა თავდაცვის მინისტრის მოადგილემ ანა დოლიძემ, 2013 წელს გადაცემა ,,პოლიტმეტრში“ გააკეთა.

ანა დოლიძემ თავდაცვის ყოფილ მინისტრთან დიმიტრი შაშკინთან დებატებში აღნიშნა, რომ ავღანეთში მისია ფორმდება კლასობრივი პრინციპით, ,,იმ კანონებით, რომელიც მიიღო შევარდნაძის ხელისუფლებამ და თქვენმა ხელისუფლებამ. მე მოგახსენებთ ჩემს კონცეფციას, თუ ვინ უნდა იყოს სამშვიდობო მისიაში. თუ ჩვენ ვსაუბრობთ იმაზე, რომ ჩვენი სახელმწიფო უნდა იყოს მოწოდებული, რომ გააძლიეროს ქვეყნის თავდაცვისუნარიანობა, მაშინ არ უნდა იყოს ისე, რომ ვისაც აქვს ფული, ანუ 2000 ლარი გარკვეულ პერიოდში, საკუთარი თავი და შვლები დააძვრინოს საჯარისო სამსახურს“ - განაცხადა დოლიძემ, რაზეც შაშკინმა მიუთითა, რომ საერთაშორისო მისიებში მონაწილე ჯარისკაცების გადაწყვეტილება და წვევამდელების გაწვევა ჯარში ერთმანეთთან არანაირ კავშირში არაა.